السلام عليكم ورحمه الله وبركاته
كيف الحال انشالله بخير
هااذي سوالف وانواع الشباب في الباااص
(ســــــوالف الشبـــاب الإماراتين فـــي البـــــــــــــــــــاص )
عشاق الكورة
نفر (1) :: يا خووك احلى شي عاد لين الجزيـرة تتصدر الدوري
نفر (2) :: ايه .. جفت قول دياكي اوووووه عاد شق المرمى شق فديته هالرييـال
نفر (3) :: روحووو مناك .. بييكم الزعيــم العينــاوي (1) :: روح روح .. الزعيــم مالك زين زين فازو على الوصل
وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب
المغازلجـيـه
نفر (1) :: اااخ يا الحبيب جفتهااا .. هذي قاعده صوب الدريول
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي العوي .. اللي عباتها الخفاش ..
نفر (2) :: هيه هذي كشخه يابووك بس يقولزن ما تعطي ويـه
نفر (1) :: ما عليك منها .. بتطيح بتطيح ..
عاد الاخو اييب تاريخ اهلها واجدادها على اساس ان انا اعرفها ترى !
المطينزجـيـه ( راعيين المطنزه )
نفر (1) :: جووف جووف .. هذي ام عباة راس صدقني بطيح
نفر (2) :: شدراك انها بطيح ؟! الا اذا عينك فـرن
نفر (1) :: يا العله بتجووف احين
" البنت بتنزل من الباص "
نفر (1) :: حجيييييييييه عبااتج
طــــــــم طـــرااااخ ( طيحه على الويه )
نفر (1) & (2) :: هههههههههه
وتقعد تسب فيهم وتلعن
وهم للحين يضحكون عليها
عشاق الكتب ( ما يشيل راسه من الكتاب ساعه )
نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: ..
ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا
صبيان على غير العاده " هاذيلا في حالهم"
نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك
انتهت المحادثه .. واحد يطالع من الدريشه والثاني سرحان والا راقد
عشاق الورقــه و الاونو
نفر (1) :: العـــــب خل اكسر راسك .. تقط لي ثنتين الكلفس
نفر (2) :: عشان اتييك الاكـلـه العدلـه ( يلعبون كوت )
نفر (1) :: يا عمـــي .. بنجوف ترى الجوكـر يايك يايك
نفر (3) :: العب العب حبيبي يقولك جوكر ما عليك منه زين
والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب
عشاق الاغانـي والطقطقه
نفر (1) :: دقني ودقني دق
نفر (2) :: شو فيك عبود ...
نفر (1) :: (( مطنش )) و دقني شبع في دق يا ناس بالخيزرانة
نفر (3) & (4) :: او دقني ..... او قدي ......
مساكين هاييلا .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !
فئة الموضـه
نفر (1) :: شفت وائل كفوري شمسوي عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب يطلع كووول
ذيلين مساكين بعد .. اخرة هالقصات بيسوون تسريحة المطربة صباح !
فئة الخوانــيه ^^
نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك>>>>> حط عليها لصقه
هههههههههههههــــhttps://benjetab.yoo7.com ـــههههههههههه
بنتطار ردودكم الحلوة