حوار بين زوج وزوجته
هو
حبيبتي أنا حأطلب بيتزا ، عايزة حاجة ؟
هي
لا يا حبيبي
هو
أوكي
هي
ولا أقولك ..
هو
ها ، أطلب لك كمان ؟
هي
مش عارفة
هو
مش عارفة إذا كنتي عايزة ؟
هي
لا
هو
إنتي جعانة ؟
هي
يعني
هو
يعني إيه يعني...؟
هي
يعني مش متأكدة إذا كنت جعانة ولا لأ
هو
الواحد لما بيكون جعان بيعرف
هي
لأ بس يمكن أجوع بعدين
هو
يعني أطلب لك بيتزا ؟
هي
طيب و إذا ما كنتش جعانة وقتها..؟
هو
ما تاكليش
هي
بس ده كدة يبقى تبذير
هو
خلاص ، تبقي تاكليها بكرة
هي
و إذا ما كانش لي نفس آكل بيتزا بكرة ؟
هو
مش محتاجة نفس ، الواحد عادي ممكن ياكل بيتزا كل يوم
هي
أنا لا .. أنا مش باكل بيتزا إلا لما يكون عندي نفس للبيتزا
هو
طيب بلاش ، أطلب لك حاجة تانية ؟
هي
بس أنا مش عايزة حاجة تانية
هو
يعني عايزة بيتزا ؟
هي
لا
هو
يعني مش عايزة حاجة ؟
هي
لأ برضه
هو
جننتيني ، طب أعمل إيه ؟
هي
اطلب إنت لنفسك
هو
.. ماشي ..
هي
بس اطلب بيتزا بالتونة
هو
نعم ؟ أنا مش بحب البيتزا التونة
هي
بس أنا بحبها
هو
وانتي مالك ؟ هو انا حاطلب ليا ولا ليكي
هي
ليك طبعا
هو
طيب أطلبها ليه بأة بالتونة...؟
هي
يمكن أجوع لما يوصل الأكل
هو
وبعدين ؟
هي
يا سلام ، يعني تفتكر آكل حاجة مش عاجباني ؟
هو
عايزة تاكلي ... اصلا ليه هو انتي
هي
ليه لأ ؟
هو
يامثبت العقل .. هو أنا حطلب بيتزا لي عشان احتمال تاكلي إذا كنتي جعانة
هي
بالضبط
هو
وأنا بلاش آكل ؟
هي
ويمكن ابقى وقتها مش جعانه وتاكلها انت
__________________________________________________
مـلاحـظـــة
محكمة الجنايات قررت تبرئة الزوج من تهمة قتل الزوجة مع سبق الإصرار
والترصد